Dental Prophylaxis

ນີ້ຄືປະສິດທິພາບຂອງການກວດແຂ້ວຕາມປົກະຕິລວມເຖິງການຫຼຸດຂະໜາດ(ທັ້ງແບບແມນນົວແລະອັນຕາໂຊນິກ) ເພື່ອກຳຈັດຄາບຫີນປູນແລະຄາບແບັກທີເລຍຕາມດ້ວຍການຂູດແຂ້ວ. ເປົ້າໝາຍຂອງຂັ້ນຕອນນີ້ຄືການຮັກສາສຸຂະອະນາໄມຊ່ອງປາກທີ່ດີສຳລັບສັດລ້ຽງຂອງທ່ານແລະປ້ອງກັນແຂ້ວພຸພັງ. ສິ່ງນີ້ຄ້າຍກັບຂັ້ນຕອນການດຳເນີນການຂອງທັນຕະແພດ ແລະ ຄວນເຮັດຢ່າງສະໝ່ຳສະເໝີຮ່ວມກັບມາດຕະການການປ້ອງກັນອື່ນໆເຊັ່ນ:

• ທຳຄວາມສະອາດແຂ້ວເປັນປະຈຳດ້ວຍຢາສີແຂ້ວຫຼືເຈວ
• ການຫຍ້ຳຫຼືຫຼິ້ນຂອງຫຼິ້ນທີ່ອອກແບບມາເປັນພິເສດ
• ອາຫານພິເສດ

ພວກເຮົາສາມາດແນະນຳທ່ານໄດ້ຫາກສັດລ້ຽງຂອງທ່ານຈະໄດ້ຮັບປະໂຫຍດຈາກການປ້ອງກັນພະຍາດແຂ້ວ.

ການປ້ອງກັນໂລກທາງແຂ້ວ(ສະກັດ)

ສິ່ງນີ້ເກີດຂຶ້ນເມື່ອມີການລະບຸພະຍາດທາງທັນຕະກຳໃນການກວດຜ່ານທາງຄລີນິກແລະເປັນຂັ້ນຕອນທີ່ຊັບຊ້ອນກວ່າເຊິ່ງກ່ຽວຂ້ອງກັບການຖອນແຂ້ວທີ່ພຸພັງ. ໃນເບື້ອງຕົ້ນ ແຂ້ວຈະໄດ້ຮັບການທຳຄວາມສະອາດຕາມການປ້ອງກັນພະຍາດແຂ້ວ ຈາກນັ້ນຈະມີການກວດສອບອີກຄັ້ງ: ແຂ້ວທີ່ພຸພັງຫຼາຍ, ຄອນ ຫຼື ມີປັນຫາ ແລະ ຖືກຖອນອອກ. ໃນກໍລະນີທີ່ຮຸນແຮງຫຼາຍຂຶ້ນຂອງໂລກທາງທັນຕະກຳສັດຕະວະແພດອາດຈະແນະນຳພາບລັງສີ/ການກວດເນື້ອເຍື່ອເຫືອກ/ຕ່ອມນ້ຳເຫຼືອງຫຼືການກວດເລືອດເຊັ່ນ: ກວດໝາກໄຂ່ຫຼັງ ແລະ ການທົດສອບໄວຣັສໃນແມວ. ສັດລ້ຽງຂອງທ່ານອາດໄດ້ຮັບຢາຕ້ານເຊື້ອແລະຢາແກ້ປວດ.

ການດູແລຫລັງຈາກໄດ້ຮັບການຮັກສາ

ຫຼັງຈາກແລ້ວຈາກການເຮັດແຂ້ວ, ປາກຈະໄວຕໍ່ການສຳພັດແລະທ່່ານອາດຈະເຫັນເລືອດໃນບາງຄັ້ງ. ຄວນໃຫ້ອາຫານອ່ອນໆ(ສາມາດແຊ່ອາຫານແຫ້ງໃຫ້ປຽກ) ຕາມຄຳແນະນຳຂອງສັດຕະວະແພດ(ປະມານ 3-7ວັນ).​ ກິນຢາໃຫ້ຄົບທຸກຄັ້ງ ແລະ ເຂົ້າຮັບການປຶກສາຕິດຕາມອາການ. ເມື່ອປາກໄດ້ຮັບການຮັກສາ ຄວນເລີ່ມການດູແລສຸຂະພາບແລະປ້ອງກັນແຂ້ວພຸພັງເຊັ່ນ: ຢາສີຟັນ, ເຈວ, ຂອງຫຼິ້ນ ແລະ ການຫຍ້ຳ. ຖ້າທ່ານຕ້ອງການອາຫານທີ່ມີໃບສັ່ງຢາເພື່ອຊ່ວຍໃນການປ້ອງກັນພະຍາດແຂ້ວລົບກວນຖາມສັດຕະວະແພດໄດ້ເລີຍ.